Mesaj Administratè Vil la

Chè Kominote Cambridge,

Nan ete ki sot pase a, nou te konsakre tout yon bilten enfòmasyon pou pataje kòman Cambridge ap abòde pwoblèm chanjman klimatik mondyal la. Jodi a, n ap konsakre bilten enfòmasyon sa a ak kriz lojman n ap konfwonte a.

Pri lojman k ap kontinye monte reprezante yon gwo pwoblèm ki prezan pou tout moun k ap viv nan vil nou an, soti nan jèn moun k ap konstwi vi yo nan kominote nou an, pase nan fanmi k ap chache plis espas pou pitit yo, rive nan granmoun aje k ap eseye rete pre fanmi ak zanmi yo. Nan sondaj pou rezidan 2023 nou an, nou te mande ki yon grenn pwoblèm ki pi enpòtan vil nou an ap konfwonte? 39% nan nou te di lojman abòdab, yon rezilta ki te repete ane apre ane. Epi alòske pri yo te bese pandan pandemi an, lwaye vin ogmante a plis pase 10% depi 2020 epi li rete pami sa ki pi chè nan zòn pi gwo Boston. Nou gen yon kominote ekstrawòdinè, men li kòmanse twò chè, inaksesib, ak enjis.

Kounye a gen yon rekonesans jeneral lojman se yon kriz. Prezidan Biden pale regilyèman sou nesesite pou abòde depans elve lojman epi pou "konstwi, konstwi, konstwi." Gouvènè Healey te deklare sèlman lojman se pwoblèm nimewo en nan administrasyon li an. Cambridge te aktif nan sipòte pi gwo efò sa yo. Konsèy Vil la te pase plizyè òdonans règlemantasyon k ap sipòte opsyon frè lokal pou finanse lojman abòdab epi mwen te temwaye plizyè fwa nan Palman an, an favè Lwa Lojman Abòdab Gouvènman an ki te ka ofri plizyè milya dola pou lojman abòdab ak ofri chanjman règlemantasyon kle ki t ap sipòte efò nou yo nan nivo lokal. Nou pa kapab rezoud pwoblèm lojman an poukont nou, epi nou pral kontinye travay nan fason rapwoche ak delegasyon eta nou an pou kontinye solisyon règlemantasyon inovatif.

Cambridge te jwe wòl lidè epi te poze plizyè aksyon enpòtan nan nivo vil la. Konsèy Vil la te pase kèk nan règlemantasyon lojman ki pi pwogresiv nan eta a, ki genyen ladann bonis sou dansite ak zonaj "plen dwa" pou devlopman lojman abòdab, elimine paking minimòm, ak egzijans lojman enklizif pou tarif mache lojman an. Pwosesis rezonaj ki te fèt pa twò lontan nan distri Alewife la te bay lojman priyorite epi li pa pral debouche sèlman sou devlopman komèsyal, men tou jiska konstwiksyon 3,500 nouvo inite lojman, sa k ap genyen ladann anviwon 700 inite abòdab ak restriksyon salè.

Nou te fè tou gwo envestisman finansye nan lojman abòdab, avèk vil la ki te atribye plis pase $40 milyon chak ane nan Fidisi Lojman Abòdab la. Li te vin triple pandan dènye senk ane yo epi li reprezante youn nan pi gwo priyorite bidjè nan bidjè operasyon anyèl nou an. Pa gen lontan ke Vil la te fè yon envantè moso tè vil la epi kòmanse yon diskisyon ak Konsèy Vil la sou kòman yo kapab sèvi nan avantaj kominote a, espesyalman pou lojman abòdab. Finalman, nou te aktif nan evalyasyon pwopriyete sou mache a epi nou te finanse yon kantite acha pou founisè lojman abòdab nan objektif pou konstwi nouvo lojman abòdab.

Angajman sa a ale lontan pi lwen pase règlemantasyon, envestisman ak devlopman. Aksyon nou yo santre sou moun. Moun ki gen aspirasyon fè Cambridge tounen lakay yo ak moun ki fyè rele Cambridge lakay yo. Kad pi laj resous ak sèvis nou yo ki gen rapò ak lojman, genyen ladann finansman ak sipò pou estabilizasyon lojman, aksè opòtinite lojman abòdab, ak jwenn asistans pou anpeche degèpisman ak deplasman lokatè. Nou ofri tou yon latriye sipò pou rezidan ki vle achte kay, ki genyen ladann finansman Vil la pou asiste rezidan kalifye achte kay yo sou mache a, ansanm ak pwopriyetè kay ki bezwen fè reparasyon nan kay ak amelyorasyon.
Edisyon sa a pral bay yon gwo apèsi sou angajman kle, inisyatif, ak envestisman nou yo. Mwen fyè anpil pou efò enkwayab ke Konsèy la ak anplwaye Vil la te reyalize pandan plizyè lane. Epi poutan, malgre tou sa, pri yo kontinye ogmante epi gen anpil travay ki dwe fèt toujou – sou pi gwo echèl ak plis ijans.

Menm jan ak tout travay nou, n ap kontinye avanse ansanm antanke kominote.

Ak tout kè mwen,
Yi-An Huang