Sant Milti Sèvis ak Biwo Lojman Fè Anpil Efò pou Ede Rezidan K ap Konfwonte Difikilte Lojman

Vil Cambridge angaje pou ofri Sèvis Sipò Lojman pou tout rezidan yo.

Gen anpil depatman nan Cambridge k ap travay ansanm pou ofri yon metòd konplè ak byen kowòdone pou reponn ak bezwen ak pwoblèm lojman varye rezidan nou yo ak vil nou yo ap konfwonte.

Biwo Lyezon Lojman (OHL) ak Sant Milti Sèvis (MSC) jwe wòl enpòtan nan jesyon dwa lojman, prevansyon degèpisman, ak sitiyasyon sanzabri pou asire ke si w loje nan Cambridge, ou genyen aksè ak:

• enfòmasyon sou dwa lokatè ak pwopriyetè kay, ak responsablite yo
• asistans pou navige mond konplèks opòtinite lojman abòdab
• sipò pou jwenn resous ak sèvis

Sant Milti Sèvis la fè pati Pwogram Depatman Sèvis Moun. Li te yon resous prensipal pou prevansyon degèpisman ak sèvis sanzabri nan Cambridge pandan prèske 40 lane. Anplwaye yo administre pwogram asistans lokasyon, refere epi konekte rezidan yo pou sipòte resous tankou sèvis legal, pwogram edikasyon finansye, gadmanje ak abri epi ofri atelye rechèch lojman ak asistans endividyèl. MSC se yon sèvis dirèk Continuum of Care (CoC), ki ofri yon chemen sipò lojman pèmanan. Finalman, MSC se yon pwen kontak pou anpil patenarya founisè sèvis sanzabri ak lojman nan Vil la ki genyen ladann Eliot Community Health Services, Home Start, De Novo, ak Sèvis Legal Cambridge ak Somerville.

Biwo Lyezon Lojman an te etabli an 2019. Antanke yon divizyon Depatman Biwo Egzekitif/Manadjè Vil la, li sèvi tankou yon resous ki konsakre ak lojman pou reponn ak bezwen ansanm ak diferans pwogram ak sistèm pou endividi. Anplwaye yo edike lokatè, pwopriyetè kay, ak mèt apatman lweyay sou dwa ak responsablite lojman, ofri sèvis sipò ki baze òf teren entansif pou estabilize lojman, epi ede manm kominote yo navige sitiyasyon lojman konplèks tankou vann bilding. OHL aji tou tankou yon òganizatè pou kowòdone repons nan tout vil la pou sipòte popilasyon ki espesyalman vilnerab ak enstabilite lojman oswa aksè. OHL fè patenarya ak Cambridge Economic Opportunity Committee (CEOC), pou egzekite repons enkyetid akimilasyon nan Vil la, ko prezide LGBTQ+ Friendly Housing Task Force, epi sèvi kòm pwen kontak pou Family Safety Net Shelter Commonwealth la nan Rejis Ak Middlesex.

Ni OHL ak MSC ap travay ansanm pou reponn ak kriz lojman an tankou dife oswa lòt ijans nan vil la.

Angajman Vil la pou lojman reflete nan travay OHL ak MSC ansanm ak plizyè patnè vil la ki enpòtan anpil pou asire ke lojman abòdab, aksesib ak san danje. Pami patnè yo genyen Depatman Devlopman Kominotè, Depatman Sèvis Enspeksyon, Komisyon Dwa Moun, Komisyon pou Moun ak Andikap, Konsèy Granmoun Aje, Depatman Sante Piblik Cambridge, Depatman Travay Piblik, epi Depatman Ponpye ak Depatman Lapolis.

Èske w gen yon Kesyon oswa Enkyetid sou Lojman nan Cambridge?

Vin vizite nou! Ni MSC, ni OHL twouve yo nan 362 Green Street nan premye etaj la.
Genyen lè san randevou ki disponib pou rezidan k ap fè fas ak difikilte lojman ak lòt difikilte.

Pou aprann plis sou depatman sa yo ansanm ak dwa ak opòtinite lojman, tcheke lyen sa yo:

https://www.cambridgema.gov/Departments/officeofthehousingliaison

https://www.cambridgema.gov/Services/HomelessandEvictionPreventionServices

https://www.cambridgema.gov/Services/applyforaffordablehousing

www.cambridgema.gov/MultiServiceCenter