Rise Up Cambridge Pote Soulajman pou Fanmi yo

• Pwogram nan te ede soulaje lamizè pami fanmi vil la ki genyen timoun epi ki genyen difikilte. 

An jen 2023, Vil Cambridge te anonse ke l ap aksepte aplikasyon nan Rise Up Cambridge. Objektif prensipal pwogram nan se soulaje lamizè pami fanmi ki gen timoun epi ki gen difikilte epi konstwi sekirite finansye gras ak asistans kach dirèk. Finalman, Vil la konsantre sou ede fanmi ki gen timoun yo reponn ak bezwen premye nesesite yo. 

Yon fanmi ki te rekonesan anpil pou pwogram nan se te yon manman selibatè ak pitit 7 an li an. Akoz difikilte finansye, manman Cambridge sa a te genyen difikilte ak lwaye, jwenn manje, ak anpil lòt bagay ke anpil lòt moun pran pou granmesi, tankou kreye souvni ak pitit gason li an. Gras ak yon $500 anplis nan kont an bank li chak mwa, manman sa a te rive peye lwaye atan epi rive jwenn manje anplis pou fanmi li. Li te ba li tou opòtinite pou pase vakans ak pitit gason li an pou premye fwa, epi vwayaje nan Salem, Massachusetts nan feri pou vizite mize. 

Jan li te di nou, "Nou pral sèvi ak lajan sa a ak prekosyon (epi) depanse li ak sajès. Mèsi ak pwogram Rise Up la." 

Pwogram nan ofri fwaye Cambridge ki kalifye ki genyen pou pi piti yon timoun ki genyen mwens pase 21 an ki genyen yon rantre ki mwens pase 250 pousan Nivo Povrete Federal la $500 pandan 18 mwa. Gras ak Rise Up, Cambridge tounen premye vil nan nasyon an ki te entwodui yon pwogram ki pa lotri ki bay asistans lajan kach dirèk pou fanmi ki kalifye yo. Se American Rescue Plan Act ki finanse li epi l ap opere an patenarya ak Office of the Mayor, Cambridge Economic Opportunity Committee, ak Cambridge Community Foundation.