Vwayaj Pou Rive Nan Yon Sistèm Transpò Ki Pi Vèt

Pou elimine emisyon gaz ki lakoz rechofman planèt la ki soti nan sektè transpò a nan zòn 2050, Vil la ap devlope yon Plan transpò zewo kabòn (NZTP). NZTP a, ki prevwa pou fini nan zòn ete 2024, pral eseye yon apwòch transfòmasyon nan angajman ekitab ak enklizif pou kreye yon chanjman mòd ak plan elektrifikasyon ki adrese bezwen tout manm kominote a, sitou sila yo yo pa konn tande ak sila yo ki defavorize. Antretan, Vil Cambridge ap ankouraje itilizasyon transpò dirab atravè edikasyon, atelye kominotè, ak pwojè enfrastrikti. 

Anplwaye vil la òganize apeprè 25 atelye/ deplasman chak ane sou antretyen bisiklèt, monte bisiklèt nan vil, pwomnad an fanmi an ivè, ansanm ak klas pou 2yèm ak 6yèm ane nan Lekòl Piblik Cambridge yo. Pwogram Healthy Aging and Cycling ofri yon seri kondisyon fizik ak soti an gwoup pou adilt ki granmoun, epi pwogram Safe Routes to School asire l chak 2yèm ane resevwa edikasyon sou sekirite pyeton epi chak 6yèm ane resevwa yon kou monte bisiklèt. Komite pyeton, bisiklèt, ak transpò vil la konpoze ak volontè rezidan ki bay opinyon yo sou pwojè transpò yo. 

Nan dènye ane yo, yo te enstale plizyè kilomèt nan liy bisiklèt separe e pwoteje, epi y ap devlope nouvo pwojè ti wout tankou Grand Junction Path la ak Danehy-New Street Connector. Vil la gen pou objktif pou enstale 150 pakin bisiklèt chak ane ak nouvo kalite arè otobis ak sèvis pou itilizatè transpò piblik yo. 

Finalman, Vil la ap ajoute plis machin ibrid elektrik rechajab nan flòt minisipal li a, ki gen ladan de premye lo machin pou ranmase fatra ki konplètman elektrik yo nou kòmande. An 2022, Vil la te lanse yon kanpay kont mach o ralanti ki konsantre sou elimine ralanti ki pa nesesè pou ede diminye emisyon GET nan flòt minisipal la. Efò adisyonèl sa yo se etap enpòtan pou rive nan transpò dirab ak diminye emisyon kabòn nan vil la. Aprann plis nan: Cambridgema.gov/transportation