Ekip GIS Cambridge la Pran Podyòm Mondyal la

• Ekip Sistèm Enfòmasyon Jeyografik la te asiste pi gwo konferans mond lan ki konsakre ak GIS ak teknoloji katograif.  
  
  

• Lidè ekip yo te pataje egzanp angajman kominotè ak rezilyans klimatik gras ak vizyalizasyon 3D ak analiz.  

Ekip Sistèm Enfòmasyon Jeyografik (GIS) te jwenn envitasyon pou asiste pi gwo konferans mond lan ki konsakre ak teknoloji katograif. Manadjè GIS la Jeff Amero, ak Espesyalis GIS Web Technologie Katie Grillo, an kolaborasyon ak Bill Witts ki soti nan MIT Facility Information Systems, te prezante nan sesyon Plenyè Konferans anyèl Esri User nan San Diego an jiyè 2023. 

Evènman an te genyen plis pase 14,000 moun ki te asiste an pèsòn, ansanm ak plizyè milye ki t ap asiste nan difizyon dirèk. Tandiske yo te eksplore tèm vizyalizasyon 3D ak analiz, Cambridge GIS te pataje egzanp teknoloji sa a ak itilizasyon li nan angajman kominotè ak rezilyans klimatik. 

Prezantasyon an te kòmanse ak yon Sèn Wèb Katye Cambridge an 3D, sa ki te pèmèt rezidan yo navige ak eksplore vil la an 3D. Kat sa a te genyen ladann fonksyon 2D ke moun abitye men ke 3D vin bay vi. Fon kat pèsonalize Cambridge GIS la genyen ladann plizyè fonksyonalite — tankou espas paking, pasaj pyeton ak vwa bisiklèt — k ap ofri aryè plan nesesè pou tout zouti katografik sa yo. 

Amero te di, "Nou te remake ke ofri yon fon kat 3D te rann difizyon ak kominote divès ak angaje nou an pi fasil," "Nou toujou ap chache lòt fason pou nou optimize GIS 3D nou an ke nou pase dizan ap envesti ladann pou sipòte nouvo analiz ak vizyalizasyon pou anplwaye vil ak piblik la." 

Yon lòt resous pou piblik la se koleksyon kat travay kolaboratif yo. Lè yo sèvi ak zouti yo, rezidan yo ka pote atansyon ak zòn espesifik ki gen pwoblèm nan vil la. Konsa, anplwaye vil la kapab revize kòmantè gras ak itilizasyon vizyalizasyon 3D. Sa ap asire ke ekip planifikasyon iben an ap sible zòn ki bezwen atansyon pi ijan yo. Prezantasyon yo te fè nan Konferans Itilizatè Esri yo se yon temwayaj ke fòs ak ekspètiz ekip sa a ak pwogram GIS nan Vil la. 

Anplis vizyalizasyon sa yo, ekip GIS Cambridge la fokalize anpil tou sou analiz. Sou baz plizyè evalyasyon kouvèti vejetal ke University of Vermont te mennen, Vil Cambridge ap pran inisyativ pou li konprann totalman chanjman k ap fèt nan forè iben nou yo. Anplis etid kouvèti vejetal yo, Cambridge sèvi tou ak teknoloji GIS pou ede refwadi Vil la. Cambridge kouvri pou pi blis ak bilding epi itilizasyon GIS 3D ede konprann karakteristik twati, Vil la te kreye obligasyon ekolojik pou bilding yo ki vize redui efè chalè iben yo. Jeff Amero te di "Envision Cambridge, Resilient Cambridge ak Urban Forest Master nou yo ap pare pou kreye itinerè pou redui chalè iben gras ak chanjman nan ri yo ansanm ak kreyasyon forè ki pi rezilyan, ki pote lonbray sou koridò tranzit nou yo."  

Nan anpil fason, ekip GIS Cambridge la te prezante tèt li tankou yon lidè entènasyonal nan teknoloji Sistèm Enfòmasyon Jeyografik. Yo te vizyalize Vil Cambridge ak plizyè kat wèb entèraktif ki te pèmèt vil la metrize byen bezwen kominote a, rezilyans chanjman klimatik, ak plis toujou. Prezantasyon yo te fè nan Konferans Itilizatè Esri yo se yon temwayaj ke fòs ak ekspètiz ekip sa a ak pwogram GIS nan Vil la.  

Lektè yo kapab aprann plis sou GIS Cambridge sou www.cambridgema.gov/GIS