Fòmasyon Diminye Enpak Ovèdoz Opioid

• Fòmasyon prevansyon ovèdoz anseye patisipan yo sou enpak opioid ak fason pou yo reponn nan fason apwopriye. 
  
  

• Finansman sibvansyon ap ede ogmante fòmasyon ak rann Narcan ansanm ak lòt pwodui pi aksesib.   

Ovèdoz opioid te afekte anpil rezidan Cambridge. Ke se paske yo konnen yon moun ki genyen difikilte ak twoub itilizasyon sibstans oswa paske yo te pèdi yon moun yo renmen nan yon ovèdoz, yon moun ka santi enpak opioid nan vil la. Pou ede rann kominote nou an pi an sekirite, Cambridge Public Health Department (CPHD) — an patenarya ak Health and Human Services nan Sommerville — ofri sesyon fòmasyon prevansyon ovèdoz ki gratis. Patisipan yo aprann sou enpak opioid sou kominote nou an, fason pou rekonèt siy yon ovèdoz, ak fason pou reponn nan fason apwopriye. Sa genyen ladann kijan pou administre Narcan, non mak yon kalite naloksòn ki ka envèse ovèdoz la lè yo flite li nan nen yon moun k ap fè yon ovèdoz. Nan fason li mache, li bloke opioid epi pa kite yo atenn reseptè ki nan sèvo a pou reglemante respirasyon ak batman kè, nan fason tanporè li kanpe ovèdoz la epi li bay moun nan tan pou li resevwa atansyon medikal. CPHD ap ofri piblik la seyans fòmasyon vityèl chak mwa, premye madi nan mwa a 3è pou 4è p.m sou Zoom. Òganizasyon ki enterese yo kapab kontakte tou CPHD pou pwograme yon seyans an pèsòn oswa vityèl pou ekip yo.

Apati jiyè 2020, Cambridge ak Somerville te resevwa fon sibvansyon federal nan men CDC. Yon sibvansyon Overdose Data to Action (OD2A) te pèmèt de vil yo ogmante fòmasyon prevansyon ovèdoz ke yo te deja ap bay yo. Fenway Health Access Program ansanm ak Sommerville Homeless Coalition te resevwa sipò tou gras ak sibvansyon sa a pou kontinye bay moun ki sèvi ak sibstans ak moun ki sanzabri fòmasyon. 

Bagay anplis nan fòmasyon sa a genyen sakodo ki chaje ak pwovizyon pou redui domaj, ekipman apwopriye pou tan an, ak lòt atik ki gendwa itil pou sila yo k ap fè eksperyans ensekirite lojman ke yo bay patisipan kalifye yo. Sibvansyon OD2A ofri opòtinite fòmasyon tou pou biznis lokal, òganizasyon san pwofi ak endividi. Apre fenèt finansman OD2A a, tou de vil sa yo ap kontinye sèvis yo gras ak bidjè entèn yo epi gen chans pou sèvi ak fon akò opioid ofiramezi y ap vin disponib.

Jiskaprezan, CPHD te fòme 397 patisipan atravè 34 seyans fòmasyon prevansyon ovèdoz. Apre chak seyans, yo mande patisipan yo ranpli yon sondaj evalyasyon tou kout, ki genyen ladann mete aksan sou pati fòmasyon an ki pi itil. Yon patisipan ki soti nan yon ajans san pwofi te reponn:

"Jis lefèt ke mwen konnen pwosedi pou verifye si yon moun gen yon ovèdoz, ak kisa pou m fè. Mete yon plan sou pye antanke anplwaye pou konnen kijan pou m reponn. Konnen manm ekip mwen yo (mwen se sipèvizè a) santi m gen konfyans nan tèt mwen epi resevwa fòmasyon yo bezwen pou ede vizitè nou yo."

Yon lòt patisipan te pataje fidbak li:

"Tout prezantasyon an te byen fèt. Li te kouvri yon pakèt enfòmasyon nan yon ti peryòd tou kout sa ki te genyen ladann faktè risk/ijans pou reponn nan yon nivo lokal ak global. Mwen te twouve kontèks la fasinan, men li te estimilan, epi apresye fason endividyèl pou sipòte ka ovèdoz nan yon pèspektiv kominotè (twalèt/biznis)."

Anpil lòt patisipan te fè remak ke yo kapab jere Narcan yomenm epi ke yo te genyen konfyans pou sèvi ak li, ansanm ak konesans pou rekonèt lè li nesesè.

Anplwaye CPHD yo vize pou rann Narcan ak lòt pwodui pou diminye domaj, tankou pwodui tès fenntanil, aksesib nan nivo sa posib pou tout moun k ap viv, travay, aprann osinon ki pase tan nan Cambridge. Pou enfòmasyon sou evènman distribisyon Narcan ak opòtinite fòmasyon k ap vini, tanpri kontakte Espesyalis Prevansyon ak Rekiperasyon Danielle McPeak (dmcpeak@cambridgepublichealth.org). Ansanm, nou kapab ede redui enpak ovèdoz opioid nan kominote nou.